經常喺網上訂酒店嘅朋友仔，應該對「現金回贈」唔會覺得陌生。以前國內OTA競爭白熱化嘅年代，現金回贈曾經好流行。嗰陣時包括攜程、藝龍、同程、飛豬喺內，大大小小嘅OTA都有訂房回贈嘅政策。呢個其實就係一種價格戰，消費者自然最開心，但註定係冇辦法持久嘅，所以後來就慢慢冇咗件事。
不過喺舊年，Agoda 作為一間跨國訂房集團，竟然靜悄悄咁又搞咗個「現金回贈計劃」。對我哋嚟講呢個絕對係一個好消息，始終有得回贈就等如真金白銀幫你慳錢。
下面就同大家介紹下，我哋可以點樣用Agoda呢個現金回贈計劃啦。
Agoda Cashback官網：
https://www.agoda.com/zh-tw/account/cashback
Agoda Cashback條款：
https://www.agoda.com/zh-tw/info/agoda-policies.html#8
- 新用戶輸入優惠碼 AGODA12ALL，可享88折優惠，滿額最高折抵30美金；
- 現有台灣用戶輸入優惠碼 AGODA6TW，可享94折優惠，滿額最高折抵30美金。
Agoda現金回贈計劃係咩嚟？
現金回贈計劃其實好簡單，只要你係 Agoda 嘅會員，當你預訂參與現金回贈嘅住宿並入住之後，你就可以獲得現金獎賞，之後你可以將呢啲獎賞提現落你嘅信用卡或者扣賬卡（Debit Card）度。
回贈金額通常係預訂總價嘅某個百分比，不過呢個百分比就冇一個標準。我粗略咁統計咗一下，低嘅可能得1%多啲，高嘅可能會接近20%。
喺預訂嘅時候，有標示現金回贈嘅住宿，就即係有參與回贈計劃嘅酒店。▼
好似上圖咁，你需要畀$230完成住宿，之後你先可以攞到$30嘅回贈。
喺訂單頁面仲會有進一步嘅提示：
Agoda現金回贈同Agoda住賞錢有咩分別？
Agoda 現金回贈同 Agoda住賞錢係兩個完全唔同嘅獎勵計劃，雖然睇落去真係好似。
兩個計劃相同嘅地方，就係都需要預訂有參與計劃嘅住宿，完成入住之後先可以攞到獎勵。
唔同嘅係，住賞錢只可以喺Agoda上面兌換使用，可以喺你下一次預訂嘅時候當錢扣房費，唔可以攞現金回贈金，類似積分咁嘅存在。而現金回贈就係真金白銀，可以提現到你嘅銀行戶口（信用卡或扣賬卡）。
或者你可以咁理解，現金回贈同住賞錢都係一筆錢，只不過住賞錢呢筆錢只可以用喺Agoda平台上面，而現金回贈就可以攞落袋，隨便你點使都得。
Agoda當然希望呢啲錢可以盡量迴流返自己嘅平台啦，所以大家會發現，喺Agoda上面大部分酒店都有參與住賞錢計劃，而有現金回贈嘅酒店就相對比較少。而且，Agoda最優惠價格保證嘅差價補償，都係用住賞錢嚟補償嘅。
雖然現金回贈同住賞錢係唔同嘅計劃，但佢哋係可以同時出現喺同一間酒店度嘅，一次預訂可以賺曬兩種獎勵，例如：
Agoda現金回贈點樣申請？幾耐先過到數？
你可以登入 Agoda 嘅官網，入去自己嘅帳戶，㩒「現金回贈」，或者㩒呢度登入帳號直接入去現金回贈嘅頁面。▼
打開頁面之後，你就可以睇到你嘅現金回贈餘額同埋而家嘅狀態。▼
大家可以見到，你嘅現金回贈可能會處於三種狀態，分別係：處理中、可領取同埋已過期。
- 「處理中」係指你嘅獎勵準備緊，會喺你退房日之後嘅60日提供。
- 「可領取」代表你嘅現金回贈已經可以攞啦！
- 「已過期」即係話你嘅現金回贈必須要喺開放領取後嘅120日內申請。
Agoda 搞呢三種狀態其實係同佢哋嘅提現機制有關，官方嘅解釋係咁樣嘅：
您將在從住宿退房之日（「賺取日」）起60天內收到通知，提醒您可向Agoda申請現金回贈。從您的賺取日起，您將有至少120天時間向Agoda提供您的現金回贈資訊（「到期日」）。Agoda將繼續處理您的申請，並根據您提供的卡片資訊，將現金回贈轉入您的卡中。「日」是指日曆日。您可以在您的Agoda帳戶上查看您的現金回贈狀態。
簡單嚟講，你嘅現金回贈會喺你退房60日之後先會生效（60日內會有Email通知），之後你要喺60日內（加埋前面嗰60日，一共120日）提交銀行卡資料申請提現，如果唔係，筆現金回贈就會過期作廢㗎啦。
睇到呢度，有人可能會覺得呢種提現方式好鬼煩，又設一大堆時間限制，仲要等60日之後先可以攞錢，分明就係想令人唔記得呢件事。冇錯，我估Agoda就係想嗰班唔太在意現金回贈嘅人，丟淡下丟淡下就唔記得咗。
現金回贈呢種優惠方式，本質上就係想用呢啲手段留住對價格敏感嘅用戶，又或者係一啲可以透過訂房賺着數嘅人。不過用開Agoda訂房嘅人，又未必個個都對價錢咁着緊，甚至喺預訂嘅時候根本冇為意有回贈。只要佢哋冇喺限期內提現，咁Agoda就可以慳返呢筆錢，所以話買嘅永遠唔夠賣嘅精明。
正所謂上有政策下有對策，而家啲電話基本上都有提醒功能，如果你驚走漏眼miss咗Agoda封Email或者唔記得咗，不妨喺電話set個reminder提下自己，咁就唔怕錯過提現嘅時間啦。
當你提交咗銀行卡資料成功申請提現之後，現金回贈就會喺申請後嘅7日內入返落你畀嘅銀行卡度。目前，Agoda淨係支援Visa同埋Mastercard作為有效嘅信用卡同扣賬卡，暫時仲未支援例如Paypal、支付寶等其他提現方式。
常見問題
Agoda精選優惠活動：
現在只看到香港地區有agoda cashback，沒有看到agoda cash的獎勵了。都沒有agoda cash了嘛？如果我購買不同地區的酒店，這個幣種怎麼換算
@linshaoya： AgodaCash現在我也很難看到了，估計這個功能已經被淡化。其實如果您關心的是透過訂房賺取cashback，那不妨試試TopCashBack。
Agoda上的定價一般是以酒店當地貨幣為準，然後根據當天的匯率換算成您選擇的幣種。更詳細的說明可以參考這篇文章。
我已申請了現金回增。但超過了兩星期也未收到。不知出了甚麼問題
@Alice： 找客服問問吧，很難說哪裡有問題。
回贈金額以美金計算，請問申請入賬戶口/信用卡時會否被扣取手續費？若果選港元入賬有否同樣問題？
@CA： 當回饋金額少於10美金時，會收取最多約1美金手續費，直接在回饋金額上扣除。
我現在於可提供階段，但怎樣領取回贈
@Ma： 需用Agoda最新APP領取
Agoda現金回贈系統改左,唔同以往方法,,拿不到錢
請問如果申請現金回贈的時候是填寫了信用卡，是不是代表信用卡可以少繳該金額
@Chloe： 如果您的意思是說在Agoda用該信用卡下單就會少繳該金額，那不是，該繳多少還是多少。
現金回贈的意思是把錢存到您的信用卡上，到帳以後您可以用來做任何消費。
您好，如選訂酒店可免費取消，付款時已付全數+現金回贈。最後決定取消，請問是否全數連現金回贈一起退回給本人？謝謝
@Carman： 根據條款不能退還，但可能以住賞錢的形式退還：
支付住宿費用：如果您選擇「支付住宿費用」選項，您可以使用從先前訂單中獲得的現金回贈來抵扣未來住宿訂單的應付金額。例如：如果您使用首次預訂獲得的20美元現金回贈，而您未來的訂單金額為180美元，那麼您只需支付160美元，即180美元 – 20美元 = 160美元。您理解並接受Agoda可全權酌情決定您是否有資格將現金回贈用於抵扣未來的訂單費用，並決定現金回贈的可抵扣金額。如您取消或更改未來預訂，已使用的現金回贈將不會退還給您，但可能會以Agoda住賞錢的形式退還，自退還至您的Agoda住賞錢賬戶之日起30天內有效。在這種情況下，Agoda住賞錢條款與條件應適用。為免生疑問，用於抵扣未來訂單應付金額的現金回贈不會降低Agoda與參與住宿方或第三方供應商之間的參考銷售價格，僅是Agoda對您未來訂單費用的補貼。
申請現金回饋後信用卡出現的是刷卡交易金額？這樣對嗎
@Angel： 回饋金到賬後，銀行帳單中會顯示一筆收款交易。
12/4/2023申請回贈到依家超過3個月以上都冇迴音/入帳到信用卡？APP只顯示我有已請求！
10/8/2023已經係到期日夠120日，真係懷疑佢哋係咪欺騙消費者！睇晒成個APP都冇客服聯絡電話或Email！
疫情前已經用過佢哋嘅服務但當時冇回贈！
@JL： 要找客服問問先得了，聯絡電話哩度有：
https://www.hoteldig.com/zh-hk/agoda-contact-information/
@HotelDig： 我再試試，謝謝幫忙給指引
現金回贈根本不能申請，app版本已經是最新，仍彈出版本需要更新，那麼大的公司這樣耍手段，就是等你的回贈慢慢過期
@Pax： 把手機關機重啟試試，再不行就找Agoda客服投訴。
@Pax： 我都是！！
現金回饋無法申請，之前可以，但是現在顯示APP版本要11.11以上，但是我的版本已經更新到11.18
@Kendy： 這個要問問客服了，我也不太清楚。用官網申請也不行嗎？
沒收到email裝給我填寫想入賬的戶口，有些已去了到期日，應如何處理？
@胡小姐： email可能在垃圾信箱裏面，你找找看。過期的應該是追不回來了，其他的如果還找不到email，那隻能找客服問問了。